Tī góa ê im-ga̍k oa̍h-tāng lāi-bīn, góa chāi-lâi m̄-ba̍t jīn-chin chiap-siū siann-ga̍k hùn-liān in-ūi beh chhōe-tio̍h ga̍k-phó͘ lâi sek-ha̍p góa iú-hān ê im-he̍k sī bô kán-tan, koh góa mā bô siūⁿ beh khai chin-chē chîⁿ bé ga̍k-phó͘.
Góa siūⁿ kóng chit-tè chhut-miâ ê koa, “Caro Mio Ben”, sī kán-tan thang-hó tī Rubinstein im-ga̍k khuh-lah-buh ê chū-hōe tiong chhiùⁿ ê koa in-ūi im-he̍k bô khoah. Tī góa hoat-hiān tio̍h chit-tè koa eng chhiùⁿ kē-im ê lâng chin iú-siān koh siūⁿ-kóng che sī hong-piān piáu-hiān kē-im ê súi kiam pang-chān lâng pôe-ióng kē-im hoat-siaⁿ hoat ê koa í-āu, góa siūⁿ-kóng góa eng-kai ē-tàng chi̍t-bīn chhiùⁿ chi̍t-bīn tī kǹg-khîm téng tôaⁿ chhut phōaⁿ-chàu. Gó chiū khai-sí Gó chiū khai-sí gián-tha̍k koa-sû, ài-beh chhōe-chhut góa ē-tàng/eng-kai án-chóaⁿ piá-hiān chit ê koa-sû ê piáu-chêng koh pī-bián hō͘ lâng thiaⁿ-chhut góa hoat-siaⁿ ê jio̍k-tiám. Jiân-āu góa chhoah chi̍t-tiô in-ūi hoat-kiàn tio̍h chit-tè koa m̄-sī beh piàⁿ soân-lu̍t ê súi mā m̄-sī kan-ta ūi-tio̍h hoat-siaⁿ hó-sè.
Góa ioh chit-tè koa tāi-seng sī tī bô kò͘-tēng koa-sû ê chêng-hêng siá chò hoat-siaⁿ ê liān-si̍p khek. Āu-lâi chiah kan-tan koh liōng-kî-iok-á chiong koa-sû thiⁿ ji̍p-khì. Ū lâng kóng chit-tè koa sī sió-hêng ê "ēng-thàn tiāu" （thó͘-khùi koa), chóng-sī lóng bô thê-khí sī toh-chi̍t-tè koa-ke̍k ê kò͘-sū á-sī chok-chiá. Kan-taū chi̍t-hāng bô-lâng bô hó͘-jīn ê sū, chiū-sī ta̍k-ê o̍h siaⁿ-ga̍k ê lâng lóng ē tú-tio̍h chit-tè ē-tàng thehchhut-lâi to̍k-chhiùⁿ ê koa.
Góa tehchhì chiong chit-ê koa-sû hoan-e̍k chò Tâi-oân ōe ê-sî hoat-kiàn ì-sù kapkám-chêng lóng put-chí siau-ke̍k koh hū-bīn tò-péng bīn, ge̍k-bīn), Ì-sù sī kóng chit-tè koa m̄-sī beh chhiùⁿ hō͘ thiaⁿ ê lâng hoat-chhut kám-chêng-te̍k ê chiàⁿ-bīn hôe-èng. Tùi góa lâi kóng góa chhiùⁿ chit-tè koa m̄-sī beh chhiùⁿ-hō͘-hó-thiaⁿ. Góa tio̍h-ài chhōe-chhut pa̍t-ê lí-iû, lō͘-sòaⁿ, kap piáu-chêng.
Tû-liáu hiah-ê loh-kiā ê siann-kù í-gōa, siāng ū te̍k-sek ê tiōng-tiám chiū-sī hit-kù thiaⁿ khí-lâi sī kat-bóe hit-kù, káⁿ-ná sī chòe ko-tiâu, chòe tāng ê kiat-gú,
Chit-tè Tâi-gú koa-sû bo̍k-phiau khǹg-tī beh hhō͘ chit-tè koa hoat-hui tông-sî thoàn-liān koh hoat-hui siaⁿ-tiāu kap ōe-gú nn̄g chióng liān-si̍p kap kang-hu. Chit-ê koa-sû khó-lêng ē-tàng chhiok-sêng chhiùⁿ ê lâng hoat-chhut hó ê siaⁿ-sim.
Sim-ài ê a-moāi, góa lâi kóng khòaⁿ-māi,
Bô lí chò-hóe, sim-chêng bô-tè chhōe;
Sim-ài ê a-moēi, góa lâi kóng khòaⁿ-māi,
Bô lí chò-hóe, sî-kan chin phái-kòe.
Tiau-ti̍t ê góa thó͘-khùi bōe soah,
Mài hiah-nih chhân, hiah-nih sí-pán;
Mài hiah-nih chhân, hiah-nih sí-pán;
Mài-koh hō͘ góa tán!
Sim-ài ê a-moāi, góa lâi kóng khòaⁿ-māi,
Bô lí chò-hóe, sim-chêng m̄-chai tī-tōe;
Sim-ài ê a-moāi, góa lâi kóng khòaⁿ-māi,
Lí bô lâi-chē, góa sim-chêng lakkàu té!
Koh kòe ê kè-ōe siūⁿ-beh koh siá nn̄g-chatkoa-sû: chit-chat tùi bāng-tiong ê lâng kóng-ōe, bô hun sèng-pia̍t; lēng-gōa chi̍t-chat ēng khin-khin ê kē-im, phòe-ha̍p chú-tōng kap chiàⁿ-hiòng ê thāi-tō͘ , chhiùⁿ-chhut ū-hòe ê lâng tùi khah nî-khin ê lâng ê khoàn-bián. （ū-hòe ê lâng tùi khah siàu-liân ê lâng piáu-hiān chhut chek-ke̍k, chú-tōng ê thāi-tō͘.)
see https://tinyurl.com/CaromiobenAna
No comments:
Post a Comment